காலத்துக்குக் காலம் அவுஸ்திரேலியாவுக்கு வந்த அகதிகள் - 10 -

 யூத அகதிகள்

யூத மக்கள் 1900 ஆண்டுக்காலப் பகுதியிலும் 1930களுக்குப் பிறகும் இரண்டாம் உலகப் போருக்குப் பிறகும் அவுஸ்திரேலியாவுக்கு அகதிகளாக வந்திருக்கிறார்கள்.

அவர்கள் தம் மத அனுஷ்டானங்களைச் செய்வதற்கு இருந்த தடைகளால் நாட்டை விட்டு வெளியேறினர். அவர்கள் பல ஆண்டு காலமாக மத ரீதியாகவும் இன ரீதியாகவும் அடக்கப் பட்ட மக்களாக வாழ்ந்து வந்திருக்கிறார்கள். 1900 களில் ரஷ்யப் பேரரசினால் பெரிதும் துன்புறுத்தப்பட்டார்கள். மேலும் சிலர் தம் மத அனுஷ்டானங்களை விரும்பிய முறையில் செய்வதற்கான சுதந்திரம் வேண்டி நாட்டை விட்டு வெளியேறினார்கள்.

இன்று உலகில் மொத்தமாக 12 - 14 மில்லியன் யூத மக்கள் வாழ்வதாகக் கணக்கிடப்பட்டிருக்கிறது. இதில் 42% மான யூத மக்கள் இஸ்ரேலில் வாழ்ந்து வருகிறார்கள். ஏனையோர் உலகின் பலபாகங்களிலுமுள்ள பல்வேறு நாடுகளில் வாழ்ந்து வருகிறார்கள்.  இவர்கள் பின்பற்றும் மதம் யூதம் என்று அழைக்கப்படுகிறது.

1930களில் இருந்து ஹிட்லரின் நாசிக் கட்சியினரால் ஜேர்மனியில் யூதமக்கள் பெரிதும் துன்புறுத்தப் பட்டு மிகப்பெரும் இனப்படுகொலைக்கு ஆளானார்கள்.  ஜேர்மனி மேலும் பல நாடுகளைக் கைப்பற்றி வந்ததால் தாம் மேலும் பாதுகாப்பற்றவர்களாக யூத மக்கள் உணர்ந்தார்கள். அதன் காரணமாகப் பாதுகாப்புத் தேடி அவர்கள் அவுஸ்திரேலியாவையும் வந்தடைந்தார்கள்.

(தொடரும்)